No er lille Ollebolle komme inn i familien og er allereie blitt 8 mnd.
Den første tida var eg heime med nurket, men frå januar av tok pappaen over permisjonen og mor starta med studier att. Og sannelig gjekk det godt og!
Eksamen er om ein måned og skippertaka kan vel snart begynne...
Dette semesteret tek er FÆRØYSK og SOSIOLINGVISTIKK (språk i samfunnet). Og riktig så artig er det! Særskilt med færøysk -draumen no er å reise dertil og prøve meg på ein samtale og to! Problemet er å halde det ved like når eg ikkje er der...
Digresjon: Det er no ein gong slik at færøysk og norsk stammer begge frå norrønt. Eg kikka i boka "Suldalsmålet" av Sigurd Sandvik og fann ut at det eldre suldalsmålet hadde faktisk ordet "tåsa" for å snakka -nett det same som færøysk!
Då pappaen er heime blir det naturleg nok ikkje like mykje gjort på huset. Og eg har nesten gløymt korleis det er å sy.... Rart kor travel ein dag kan bli med studier, barn, kjæreste, heim og vener! Eg tørka nett støv av maskina mi, då -planen er å prøve meg på ein meitai snart. Eg vil så gjerne ut på tur med snuppeluppa utan vogn! Sommaren er jo like om hjørnet og tida er komme for å komme seg litt meir ut. (Og dette blir berre koseturar, trening er ikkje for meg (ennå).)
Tralllallllalllala
kjekt at du har starta opp med blogginga i att! så kan eg følga med på kva de held på med sjølv om eg er ei båtreis vekke! :)
SvarSlett